Isticmaalka (Anvendelse)
- Insulin waxaa isticmaala dadka qaba sonkoroowga, nooca 1-aad iyo qaar ka mid ah, nooca 2-aad.
- Waxay hoos u dhigtaa sonkorta dhiigga, iyadoo u oggolaanaysa sonkorta, inay gasho unugyada.
Qiyaasta (Dosering)
- Insulin waa qiyaas shakhsiyeed; waxaa dejinaya dhakhtarka ama kalkaalisada sonkorta.
- Raac qorshahaaga qoraalka ah (insulin-plan).
Waxyeellooyinka (Bivirkninger)
- Sonkor hoose (hypoglykæmi): gariir, dhidid, gaajo, wareer – cun wax macaan ah isla markiiba.
- Barar yar ama casaan goobta irbadda; beddel meelaha cirbadda la geliyo.
Isdhexgalka daawooyinka (Interaktioner)
- Daawooyinka kale ee sonkorta hoos u dhiga, waxay kordhin karaan khatarta hypoglykæmi.
- Beta-blokker (tusaale metoprolol), waxay qarin karaan calaamadaha sonkor hoose.
Digniino (Advarsler)
- Ha ka bixin guriga adigoon wadan wax macaan ah, ama kaarkaaga caafimaadka, si loo ogaado waxa aad qabto oo lagu garan karo - haddii wax kuugu dhacaan.
- Haddii aad matagto ama jiran tahay, la xiriir dhakhtarka; qiyaasta ayaa laga yaabaa, in loo baahdo, in la beddelo.
Ramadaan iyo soonka (Ramadan og faste)
- Irbadaha insulin badanaa looma tixgeliyo, inay jebiyaan soonka, laakiin khatarta hypoglykæmi ayaa kordhi karta.
- Ka hor Ramadaanka, la tasho kooxda daryeelka sonkorowga ama ururka sonkorowga, si ay kuu sameeyaan qorshe kuugu habboon.
Cunto iyo cabitaan (Mad og drikke)
- Waxay ku xiran tahay nooca insulin; qaarkood cunno ka hor, qaarna ka dib.
- Raac tilmaamaha qoraalka ah ee aad ka heshay isbitaalka, ama dhakhaatiirta.
Kaydinta daawada (Opbevaring)
- Insulin aan la furin: furinjeerka gali (2–8°C).
- Ka dib furitaanka furinjeerka (uden for køleskabet): insulin-ka qarkood, ama intoodu ugu badan waxaa lagu hayaa ilaa 4 toddobaad ama ugu badnaan 6 toddobaad. Meel kulul aan ka badnayn 25 °C (fiiri baakadka). Ha ku celin furinjeerka.