Isticmaalka (Anvendelse)
- Morfinka waa daawo xooggan oo xanuun baabi'iye ah.
- Waxaa loo isticmaalaa xanuun aad u daran, tusaale xanuun ka dib qalliin ama xanuunka kansarka ah.
Qiyaasta (Dosering)
- Qiyaasta waxaa si gaar ah u doorta dhakhtarka iyadoo lagu saleynayo xanuunkaaga.
- Ha beddelin qiyaasta, ha jebin kiniinka, ha qeebin kiniika sido kale ha ruugin - waa in aad laqdaa gabigiis oo dhan (depottablet). Waa kaniin si tartiib ah jirkaaga ugalaayo, mudo badan ku jiri kara. Waxaa lugu magacaaba depottablet. Kiniinka caadiga wuu ka duwan yahay, si degdeg ah ayuu u sii daayaa oo u shaqeeyaa.
Waxyeellooyinka (Bivirkninger)
- Caadiyan: lulmo, madax-wareer, lalabbo iyo matag.
- Calool-istaag (forstoppelse) aad u badan – cab biyo badan, cun cunto fiber leh oo mararka qaar qaado daawo calool-istaagka, sida dhakhtarku kugula taliyo.
- Xad-dhaaf: neefsashadu oo yaraata, hurdo badan – raadi gargaar degdeg ah ama wac 112.
Isdhexgalka daawooyinka (Interaktioner)
- Daawooyinka kale ee hurdada keena (benzodiazepiner, daawoyinka hurdada), Khamriga iyo fiitaminada oo dejinta leh waxay kordhiyaan lulmada iyo khatarta neefsashada oo yaraata.
Digniino (Advarsler)
- Ha kaxayn gaari ama ha shaqayn qalab halis ah, haddii aad dareento lulmo.
- Isticmaalka muddada dheer, wuxuu sababi karaa ku-darid jireed iyo maskaxeed; ha joojin si lama filaan ah, dhakhtar ayaa qorsheeya hoos-u-dhigidda qiyaasta.
Ramadaan iyo soonka (Ramadan og faste)
- Morfinka kiniinka ah, wuxuu jabiyaa soonka, laakiin xanuunka daran caafimaadkaaga ayuu saameeyaa.
- La hadal dhakhtarka ka hor Ramadaanka, si loo helo qorshe badbaado leh oo xanuunkaaga lagu maareeyo.
Cunto iyo cabitaan (Mad og drikke)
- Daawadan waxaa la qaadan karaa adigoon, cunto cunin ama adigoo, cunno la qaadanaya, laakiin la qaado cunto yar, waxay yareyn kartaa lalabada.
- Cab biyo badan, si aad uga hortagto calool-istaaga.
Kaydinta daawada (Opbevaring)
- Ku kaydi meel ammaan ah, oo ka fog caruurta iyo dadka kale ee guriga jooga.
- Daawooyinka aan loo baahnayn, dib ugu celi farmashiyaha si habboon.