Isticmaalka (Anvendelse)
- Daawadan waxaa loo isticmaalaa xanuun fudud iyo qandho sida madax-xanuun, ilko-xanuun iyo murqo xanuun (muskelsmerter).
- Waa daawo aan xanuunka kaa suulinayn ama kaa qaadayn, laakiin waxay kaa caawineysaa in xanuunku yaraado oo aad ka nasato.
Qiyaasta (Dosering)
- Qofka weyn (voksne): 500–1000 mg mar, ugu badnaan 4 jeer maalintii.
- Ha dhaafin 4 gram maalintii (4000 mg).
- Caruurta: qiyaasta waxaa lagu saleeyaa miisaanka (vægt) – raac qoraalka ama talada dhakhtarka iyo farmashiyaha.
Waxyeellooyinka (Bivirkninger)
- Badanaa wuu fiican yahay. Laakiin marar dhif ah, waxaa uu keenaa finan, cuncun ama neef-qabatin oo xasaasiyad (allergi) ah.
- Haddii aad qaadato qiyaas aad u badan muddo dheer, beerka (leveren) wuu dhaawaci karaa.
Isdhexgalka daawooyinka (Interaktioner)
- Ka taxaddar haddii aad qaadato daawooyin kale oo qandho/xanuun ah oo isla paracetamol ku jiro (tusaale daawo hargab).
- Had iyo jeer u sheeg farmashiyaha daawo kasta aad isticmaasho.
Digniino (Advarsler)
- Ha qaadan qiyaas ka badan tan lagu qoray baakadka, ama uu dhakhtarku kuu sheegay.
- Haddii xanuunka ama qandhada aanad ka caafimaadin, ama ka bogsoon 3–5 maalmood gudahood, la xiriir dhakhtarka.
Ramadaan iyo soonka (Ramadan og faste)
- Kaniiniga afka (tablet) wuxuu jebinayaa soonka maalinta Ramadaanka.
- Haddii ee suurtagaltahay, qorshee qiyaasta in aad qaadato fiidkii (afurka) ama suxuurta.
- Haddii aad, aad u xanuunsan tahay, la hadal dhakhtarka si aad u hesho ogolansho.
Cunto iyo cabitaan (Mad og drikke)
- Paracetamol waxaa la qaadan karaa cuntada ka hor ama cuntada ka dib.
- Haddii aad calool xanuun isku ogtahay, cunto yar ka hormari.
Kaydinta daawada (Opbevaring)
- Ku hay daawada meel ka fog carruurta yar yar, kana hooseysa 25 °C. Ku hay baakadka asalka ah si looga ilaaliyo iftiinka iyo huurka. Ha qaadan daawada marka ay dhaafto taariikhda "EXP" (daawada goorta ee dhacday), ama haddii midabka isbadalay. Wixii soo haray, weydii farmashiyaha si loogu tuuro meesha ku habboon.