Isticmaalka (Anvendelse)
- Xarelto (rivaroxaban) waa dhiig-khafiifin casri ah, oo ka hortaga xinjirow dhiiga lugaha, sambabada, ama wadne gariirka.
Qiyaasta (Dosering)
- Badanaa hal mar maalintii, mararka qaarkood laba jeer maalintii bilowga.
- Qaado daawada, sida uu dhakhtarku kuu qoray; ha ka boodin qiyaasta, uu dhakhtarku kuu jideeyay.
Waxyeellooyinka (Bivirkninger)
- Dhiig-bax fudud (sanka, cirridka, nabro oo ka soo baxa jirka meelo kala nooc ah).
- Dhiig-bax gudaha ah, oo khatar ah waa dhif; la xiriir dhakhtarka, haddii saxaro madow, ama kaadi gaduud ah ay soo baxaan.
Isdhexgalka daawooyinka (Interaktioner)
- Ha qaadan daawooyinka bararka iyo xanuunka dejiya (NSAID), ama aspirin adiga oo aan talo ka helin dhakhtarka.
- Daawooyinka qaar ee fangaska iyo antibiyootikada, ayaa kordhiya heerka Xarelto.
Digniino (Advarsler)
- Go'aan kaligaa ha qaadan; xinjiro cusub ayaa samaysmi kara.
- U sheeg dhakhtarka, haddii aad u socoto qalliin, ama daaweyn ilkaha.
Ramadaan iyo soonka (Ramadan og faste)
- Haddii hal mar maalintii la qaato, waxaa fiican in lagu qaato, fiidkii cuntada ka dib.
- Ha dhaafin xadiga, xataa haddii aad sooman tahay.
Cunto iyo cabitaan (Mad og drikke)
- Kiniinnada 15 mg iyo 20 mg waa in lagu qaataa cuntada, sababtoo ah cunista cunto, waxay kordhisaa milanka daawada oo ka dhigaysa, in ay ka kacdo qiyaastii 66 %, una gaarto qiyaastii 90%.
Kaydinta daawada (Opbevaring)
- Ku hay daawada meel ka fog carruurta yar yar, kana hooseysa 25 °C. Ku hay baakadka asalka ah, si looga ilaaliyo iftiinka iyo huurka. Ha qaadan daawada marka ay dhaafto taariikhda "EXP" (daawada goorta ee dhacday), ama haddii oo midabka isbadalay. Wixii soo haray, weydii farmashiyaha - si loogu tuuro meesha ku habboon.